Berriak

Currently browsing: Berriak

  • José Luis Orbaiz, Iparlateko zuzendari nagusi berria

    Esperientzia handia du sektorean, eta Javier Yárnoz ordezkatuko du. Hark hasitako etengabeko hobekuntzaren prozesuaren buru izango da

    JosE Luis Orbaiz Azpillaga Iparlateko zuzendari nagusi izendatu dute. Haren aurrekoak, Javier Yárnozek, hasitako etengabeko hobekuntzaren prozesua finkatzea izango du helburu. Horrez gain, enpresak lehen sektorearekin duen konpromisoa indartzeaz eta Iparlateko hornitzaileekiko harremana estutzeaz arduratuko da Orbaiz, hala, elkarrekin, konpainiaren nekazaritzako elikagaien katearen maila guztien produktibitatea, eraginkortasuna eta errentagarritasuna indartzeko.

    José Luis Orbaiz Ekonomian lizentziatu zen Madrilgo Unibertsitate Autonomoan, eta esperientzia handia du nekazaritzako elikagaien sektorean; bereziki, esnekien sektorean. Orbaizek, halaber, MBA du Madrilgo Business School / University of Houstonen, eta zuzendari nagusi izana da logistikako eta automobilgintzako zenbait enpresatan.

    Iparlateko lehendakari José Urrestarazuren iritziz, “José Luis Orbaiz izendatuta, Javier Yárnozen lekukoa hartzen jakingo duen norbait hasiko da gurean. Yárnozek asko lagundu du gure enpresa sendotzen azken sei urteetan, eta, orain, Orbaizi dagokio proiektu honen lidergo-lanak egitea, zehaztu ditugun helburu garrantzitsuak bizkorrago eta modu eraginkorragoan lortzeko”.

    Bestalde, José Luis Orbaizek honela esan du: “izendapen hau erronka pertsonala nahiz profesionala da niretzat. Badakit honelako enpresa batean -60 urte baino gehiagoko historia du- helburuak direla modu jarraituan haztea, eraginkortasuna indartzea, eta elikagaien kalitatearen eta segurtasunaren alde egiten jarraitzea. Horregatik, hemendik aurrera, nire ahalegin guztia egingo dut Administrazio Kontseiluak nigan jarri duen konfiantza itzultzeko eta etengabeko berrikuntza bultzatzen jarraitzeko, hura gure negozioaren garapen-oinarritzat hartuta”.

    IPARLATi buruz
    Euskadiko ganaduzaleen kooperatiben bateratzetik sortu zen IPARLAT. Mercadonaren barne-hornitzailea da 2002tik; gaur egun, lau fabrika eta 450 langile ditu, eta urtean 742 milioi litro ekoizten ditu.

    IPARLATek etengabeko lotura du lehen sektorearekin, zuzenean ganadu-ustiategietan egiten baitu bilketa; horri esker, ekoizpen-prozesu guztian dago, hasiera-hasieratik. Horrek erakusten du produktua ezagutzen duela, eta produktuaren kalitatearen bermea ere bada.

  • Kooperatibistak eusko legebiltzarrean

    Eusko kooperatiben ordezkapen batek bisitatu zuen atzo Eusko Legebiltzarra, honen Nekazaritza batzordeko presidentea den Javier Carrok gonbidaturik.

    Erakunde honen presidentea den Bakartxo Tejeriak jaso zuen ordezkapena. Honekin batera azalpenak eta funtzionamendua azaldu zuen. Era beran, gogoratu zuen 2005tik 2012ra arte Nekazaritza Batzordean egon zela, hala nola federazioarekiko harremana.

    Geroago, kooperatibistak eta Nekaaritza Batzordea bildu ziren. Batzordearen funtzionamenduz eta gaurkotasun dituzten gaietaz hitz egin zuten. Besteak beste, Euskal Autonomia Erkidegoko mahastiaren eta ardoaren kalitatearen defentsari buruzko lege-proposamenaz.

    Nekazaritza batzordetik parte hartu zutenak Francisco Javier Carro, presidentea, Luis Javier Tellería, Iñaki Lasagabaster, Rosa Fresno eta Jon Azkue izan ziren. Hauekin batera, Batzordeko letrada den Montse Auzmendik azalpen teknikoak eman zituen.

    Federazioaren presidentea den Pablo Duranak Euskadiko nekazari-elikagaien kooperatiben ezagupen batzuk eta kooperatiben lehentasunak azaldu zituen, bestek beste:
    – Bolumena gehikuntza.
    – Balio erantziaren hobekuntza.
    – Enpresagintza – profesionalizazioa.

    Era berean, presidenteak parlamentariei jakinarazi zien Federazioaren parte hartzeko aldekotasuna edozein gaiaz hitz egiteko, kontutan izanik kooperatibak ekoizpen eta merkaturatze sektore guztietan dagoela, ardo sektoretik esne sektorera, baita beste sektore batzuetan, esate baterako, okelan, garian, erremolatxan eta abar.

    Batzordeko presidentea den Javier Carrok taldeak egindako bisita eta Federazioaren presidente egindako eskaintza eskertu zuen eta amaitutzat eman zuen bisita.

  • UAGA – Federazioarekiko bilera

    Atzo, astelehena, Arabako Nekazarien Sindikatuaren eta Euskadiko Nekazari-elikagaien Kooperatiben Federazioaren arduradunen arteko bilera egon zen.

    Sindikatutik, presidentea den Javi Torre eta zuzendari orokorra den Isabel Perez joan ziren. Federazioaren aldetik, presidentea den Pablo Durana eta batzarkideak diren Roberto Ruiz de Infante, Jon Agirre, Mateo Marañon eta Adolfo Estavillo joan ziren. Baita idazkari teknikoa den Iñaki Nubla ere.

    Bileraren helburua, gaur arte praktikoki ez zeundelako bi erakundeen arteko harremanak hobetzea izan zen, Hitz egin ziren gaien artean, instituzioen eta nekazari-elikagaiei buruzko formazioa, informazioa, koordinazioa eta elkarlana izan ziren. Guzti hori, sektorearen erantzunkizuna eta lehiakortasuna hobetzearen asmoz.

    Era berean, Vitoria-Gasteizko hornidura-plazan sindikatuak duen elika-denda, UAGALUR, bultzatzearen alde hitz egin zen. Horretarako sindikatu-bazkideek dituzten produktu kooperatiboak dendan merkaturatzearen alde agertu zen, esate baterako egoskariak, esnea, okela, gazta, ardoa, patatak, arraultzak, …

    Etorkizunari begira, Federazioak bilera mota hau errepikatzeko asmoa dauka, bai UAGArekin, bai Bizkaiko eta Gipuzkoako beste sindikatuekin.

    Bileran parte hartu zutenen arteko argazkia atxikituta doa.

  • Federazioaren artezte kontseilua gipuzkoako foru aldundiarekin elkartuta

    Fedeazioaren Artezte Kontseilua, atzo, Donostian bildu zen, urteko azken bilera egiteko.

    Beste gai batzuen artean, ekitaldiaren itxieraz eta 2016ko Kudeaketa planaz mintzatu zen.

    Arratsaldez, Artezte Kontseilua Gipuzkoako Foru Aldundiko nekazari-elikagaian ardura duen taldearekin bildu zen.

    Gipuzkoako Foru Aldunditik bileran egon zirenak:
    – Ekonomia Sustapena, Landa Ingurunea eta Lurralde Orekako diputatua den Ainhoa Aizpuru.
    – Nekazaritzako eta Landa Garapeneko zuzendari nagusia den Xabier Arruti.
    – Mendietako eta Natura Inguruneko zuzendari nagusia den Arantxa Aristimuño, eta
    – Lurralde Orekako Zuzendari Nagusia den Joseba Iñaki Labaka.

    Aurkezpenak eta gero, beste gai batzuen artean, Gipuzkoako kooperatiben egoeraz hitz egin zen. Besteaz beste, koopeatibekin zerikusi zuzena duenaz, esate baterako eskaintzaren konzentrazioa, bilakaera eta merkaturatzearen produktuaren balorizazioa, nekazari-elikagaien industria, sektorearen profesionalizazioa, landagunean jarduera sorkuntza, eta abar.

    Bai diagnostikoa, bai etorkizunean egin beharreko politiketan, bi erakundeen ordezkarien aldetik adostasun handia egon zen.

    Bilera, idazki honetan atxikitzen den argazkiarekin bukatu zen.

  • Kudeaketa aurreratuari euskal sariak

    EUSKO JAURLARITZAK ETA EUSKALITEK KUDEAKETA AURRERATUARI EUSKAL SARIAK EMAN ZITUZTEN

    Atzo, Bilboko Euskalduna Jauregian, Kudeaketa Aurreratuari Euskal Sariak eman ziren.

    Ekitaldian, Eusko Jaurlaritzak eta EUSKALIT- Bikaintasunerako Irazkundeak antolatuta, jende asko egon zen. Besteak beste Iñigo Urkullu Lehendakaria, Garapen Ekonomiko eta Lehikortasun sailburua den Arantza Tapia edo Enplegu eta Gizarte Politiketako sailburua den Angel Toña.

    Saritutako enpresak asko izan ziren. Nekazari-elikagaien sektoretik bi baino ez, AZTI eta Federazioa. Saria, kalitatez arduratzen den gure teknikoa Maite Corresek jaso zuen Lehendariaren eskutik.

    Ekitaldia bukatuta, Arantxa Tapia sailburua Federazioaren langile eta kontseilariekin argazkia atera zen. Honetaz gain, jasotako errekonozimenduaz eta sektorean egunero egiten dugun lanagatik zoriondu gintuen. Era berean, gure lana hobetzen eta erronka handiko proiektuetan sartzen animatu gintuen.

  • Euskadiko kooperatibak cogecan eta europar legebiltzarrean

    Federazioaren Kontseilu Errektorearen ordezkariak diren Pablo Durana, Martin Uriarte, Bautista Jauregi, Roberto Ruiz de Infante eta Adolfo Estavillo-k hala nola Idazkaria Teknikoa den Iñaki Nubla-k parte hartu dute, Europar nekazari kooperatiben erakundea den COGECAri eta Europar Parlamentuari egindako bisita batean, asteazken eta ostegun hauetan.

    Bisitaren zioa: joan den asteazkenean, “Nekazari-elikagaien Kooperatiben Gobernantza Foro”an parte hartzea izan zen.

    Ihardunaldian, hurrengo kooperatiben esperientziak eta praktika onak gobernantzan entzuteko aukera egon zen:

    – Irlandako Glanbia.
    – Frantziako Vivescia.
    – Alemaniako Westfleisch.
    – Italiako Cantine Riunite CIV.
    – Finlandiako Atria.

    Foroa bukatutakoan, oraingo COGECAko presidentea den Christian Pees Marquina eta formakuntza koordinadorea den Eduardo Baamonderen hausnarketa eta agur-koktel batean parte hartu zuten.

    Ostegunean, hilak 3, Europar Legebiltzarra bisitatu zen, Eider Gardeazabal Rubial eta Izaskun Bilbao Barandika, (http://www.izaskunbilbao.eus/2015/12/las-cooperativas-agroalimentarias-vascas-en-bruselas/) europarlamentariekin bilerak eginez.

    Aukera aprobetxatu zen kooperatibek duten oraingo problematika helerazteko, besteak beste, elika-katearen desoreka, prezioen aldakunkeria, kooperatiben batasuna, hirugarren herrien konpetentzia desleiala, Estatu Batuen eta Europen arteko akordio on baten beharra, errusiar finantza markoaren errebisioa, eta abar.

    Honekin batera, Euskadiko Kooperatiben ordezkariak ateratako argazkiak, COPA-COGECAn eta Eider Gardeazabal eta Izaskun Bilbao europarlamentariekin.

  • Upategi COVILA kooperatiba sarituta

    Arabako Komertzio Ganbarak saritu du, gaur, upategi Vinicola Lapuebla de Labarca kooperatiba, bere esportazio lanagatik

    Ihardunaldia Vitoria-Gasteizko Lakua hotelean egin da. Goizez, enpresa internaziolazazioaz hitzaldi batzuk egon dira, Sudafrika izanik hitz egiteko aukeratutako herria.

    Geroago sariak banatu dira eta bazkaria ere egon da.

    Ihardunaldian instituzioetatik ordezkaritza zabala egon da, besteaz beste, Alkatea, Diputatu Nagusia, Eusko Jaurlaritzako Lehiakortasun Sailburua, Sudafrikako enbajadorea, Ganbarako Presidentea eta Batzordekideak, eta abar.

    COVILA sarituta izatearen zioa, bere fakturazioaren zatirik handiena esportaziotik datorrelako, %70a pasatuz. Era berean, norako desberdin eta zailak izan dira.

    Saria, kooperatibako zuzendaria den Pablo Sanpredrok jaso du. Berarekin batera joan dira kooperatibako presidentea den Ramon Emilio Muro eta esportazioaren arduraduna, Diana Serrano.

  • Txileko Kooperatiben Nazioarteko Ihardunaldia bukatu egin da

    Gaur, Santiagon, Txiletar kooperatiben Ihardunaldia bukatu egin da.

    Ihardunaldian, etorkizunean kooperatibeen eta bere erakundeen estrategiak elikagai osasungarriak ekoizteko aztertu dira.

    Hizlarien artean Hegoamerikako ordezkari asko egon dira, Nikaragua, Uruguay, Paraguay eta Txilekoak.

    Europatik, Italiako hizlari batzuk eta Euskaditik ni neu.

    Azpimarratzekoa, Txileko Nekazaritza Ministroak, Carlos Furche jauna, itxi duela ihardunaldia. Hain zuzen ere, bere hitzaldia nirearen atzetik izan da. Beraz, aukera izan du nik esandakoa entzuteko eta Euskadin egiten ari garenaz jabetzeko.

    Bihar, Santiagoko FAOren eraikuntzan, beste ihardunaldi batean parte hartuko dut. Oraingoan, Ekoizpen Kooperatibak eta Nazioarteko Negozioei buruz.

    Argazki batean, Txiletar Ministroa nik egindako azken proiekzioarekin horman.

  • Bizkaiako Iraunkortasuna eta Ingurune Naturala Zaintzeko Foru Diputatuarekiko bilera

    Gernikako Urriaren Azken Astelehena dela eta, Federazioaren Kontseilu Errektoreak Foru Diputatu berriarekin den Elena Unzueta eta Zuzendari berria den Lucia Islarekin biltzeko eta elkar hitz egiteko aukera aprobetxatu du.

    Bileraren xedea, Bizkaiako nekazaritzan arduradun berriei Federazioa ezagutzera ematea izan da, hala nola partekideak, helburuak eta osagarria den informazioa.

    Bai Diputatua, bai Zuzendaria, Euskadiko nekazari-elikagantzaren Federaziaoren diagnostikoarekin eta erronkeekin bat etorri dira. Besteaz beste eta bereziki, eskaintza batzea, baldintza hobeagoak negoziatu ahal izateko, hala nola merkatuaren betebeharrak hobeto asetzeko.

    Geroago, Federazioaren Kontseilu Errektoreak bere ohiko bilera egin du. Bileran, urteko Kudeaketa Planaren egindakoa aztertu du. Era berean, datorren urterako helburu eta jarraibideak ipini dira.
    Beste batzuen artean, datorren urteko Ohiko Batzar Nagusia zehaztu da. Hain zuzen ere, aukeratutako eguna, datorren martxoaren 17a, osteguna, eta Mungian egingo da.

    Bilera, Gernikako San Isidro Kooperatiban egin da.

    Bilera bukatutakoan, ihardunaldia amaitu da azokatik ibilaldi batekin eta bazkari batekin.

    Argazkian, Foru Aldundiko Diputatua eta Zuzendaria, Federazioaren Kontseilu Errektorea, Kooperatibaren presidentea eta zuzendaria.

  • Nekazari emakumearen Legea onartuta

    Gaur, nekazari-emakumearen Nazioarteko Egunean, Eusko Legebiltzarrean, onartu egin da Nekazari emakumearen Estatutuaren Legea.

    Legea, alderdi politikoek onartu dute, aho batez. Ekitaldia, Eusko Legebiltzarreko presidentea den Bakar Tejeriak bideratu egin du.

    Beste aldetik, Eusko Jaurlaritzako Ekonomiaren Garapen eta Lehiakortasunaren sailburua den Arantxa Tapiak legearen alde onak defenditu ditu, bereziki bazterkeriak ekiditzeko.

    Legeak, beste gauza batzuen artean, bilatzen du: landa inguruneko emakumearen lana aintzat hartzea, ustiapenen kotitulartasuna lortzea, eta emakumea laguntzen bidez bultzatzea.

    Kooperatiba ikuspuntutik Legeak ere berriak dakartza. Esate baterako, ustiapen batean kotitularra den emakumeak kooperatibetan karguak bete ahal izango du. Orain arte gizona izaten zen, bazkidea, soilik, gizona zelako.

    Parlamentuko igarobidea bukatuta, Lehendakaria, Iñigo Urkullu jauna, hor zegoen emakume talde txiki batekin elkartu da eta aukera aprobetxatu du zoriontzeko. Gaurkoa inportantea izan delako emakumeak aintzat hartzeko eta euskal gizartean pausoak emateko berdintasunean.