Berriak

Currently browsing: Berriak

  • BAT-EGITEA – 2. OHARRA GARRINTZUA

    Idazki honen bidez jakinarazten dizut Euskadiko Nekazari-elikagaien Kooperatiben Federazioak eta (ERKIDE) – Euskadiko Lan Elkarteen, Irakaskuntza eta Kreditu Kooperatiben Federazioak atzo bat-egite egitasmoa sinatu zuten.

    Ekintza, Vitoria-Gasteizko bi Federazioek partekatzen duten bulegoetan egin zen. Bi Federazioen Artezte Kontseiluek parte hartu zuten.

    Egitasmoaren sinadurarekin, bat-egitearen ofizializazioa egiten da eta maiatzaren bukaeran, Batzar Nagusiekin, bukatu egingo da.

    Laster, Federazioak hiru Lurralde Historikoetan batzarretara deituko du, bat-egitearen informazioa kooperatibei ahalik eta gehien emateko.

    Era berean, Euskadiko Kooperatiben Konfederazioa eta Euskadiko Garraiolarien Kooperatiben Federazioa Federazio berriarekin bat-egingo dutela aurte, 2019an eta 2020 urtean.

    Atxikitako argazkietan:

    • Bi Artezte Kontseilukideak,
    • Pablo Durana eta Javier Goienetxea, bi Federazien presidenteak, akordioa sinatzen, eta
    • Agustin Mendiola eta Iñaki Nubla Erkide eta Nekazari-elikagaien Federazioaren, zuzendaria eta idazkari teknikoa, hurrenez hurren.

    Informazio osagarria, beherago.

    OHARRA GARRINTZUA (martes, 5 de febrero de 2019)

    Presidentearen agindua jarraituz, hurrengo informazioa jakinarazten dizut. Bere garrantzia dela eta, arretaz irakurtzeko eskatzen dizut.

    Federazioaren Kontseiluak, abenduaren 27an batzarrean bilduta, aho batez, Euskadiko kooperatiben federazioak batzeko prozesua irekitzea erabaki zuen. Gaur egun, Kooperatibak honako Federazioetan egituratzen dira:

    • Euskadiko Lan Elkarteen, Irakaskuntza eta Kreditu Kooperatiben Federazioa. (1.210 kooperatiba, 1.232.000 bazkide eta 54.200 langile)
    • Euskadiko Nekazari-elikagaien Kooperatiben Federazioa. (63 kooperatiba, 10.000 bazkide eta 650 langile)
    • Euskadiko Garraiolarien Kooperatiben Federazioa. (6 kooperatiba, 330 bazkide, 384 langile)

    Honetaz gain, aurreko federazioak biltzen dituen Euskadiko Kooperatiben Konfederazioa ere desagertuko da.

    Ondorioz, Euskadiko Kooperatiben Federazio bakar bat sortuko da. (Batez beste, 1.300 kooperatiba, 1.243.000 bazkide, 55.000 langile eta 21 milioiko aktibo batekin, hoietako 16 miloi ondare netoa.)

    Horrekin nahi da:

    • Euskadiko mugimendu kooperatiboarekin ordezkari eta lobbiko erakunde bakar bat egitea, Administrazio Publikoek, bazkideek, bezeroek eta beste interesdunek ere erraz ezagutzeko.
    • Federazioen baliabide ekonomikoak eta pertsonalak optimizatzea, eskala ekonomiak sortzen eta kooperatibei urteko kuota txikitzen.
    • Kooperatibei, tresna, ekintza eta  gertakizun berrietara bidea irekitzea, kudeaketa, finantziazioa eta bazkide egitura hobetzeko, hala nola merkatuari egokitzeko.

    Beste aldetik, nekazari-elikagaien kooperatiben izaera berezia dela eta, federazio berriak orain daukagun ordezkaritza sektoriala mantentzea bermatzen du. Besteaz beste, Euskadiko Kooperatiben Goren Kontseiluan, Haziluren, Mundu Landagunean, Espainako Nekazari-elikagaien Kooperatibetan edo Euskadiko Nekazari eta Elikagaien Kontseiluan.

    Era berean, 30 urte hauetan sortu ditugun zerbitzu teknikoak eta pertsonala bermatzen dira. Esate baterako, Lege Zerbitzua, Enpresa arteko Lan Arriskuen Prebentziorako Zerbitzua, Sustapen Zerbitzua eta Aholkularitza Zerbitzua.

    Sektore bereizte hau gauzatzeko, nekazari-elikagai aldeak askatasun handiz kontatuko du. Horretarako, erakunde berrian Nekazari-elikagaien Talde Sektoriala sortuko da, oraingo eta geroko nekazari-elikagaien kooperatibekin osaturik. Talde Sektorial honek Nekazari-elikagaien Batzorde Sektoriala aukeratuko du. Alegia, gaur egungo Artezte Kontseilua. Gauzak horrela, Batzorde Sektorialak Koordinatzailea aukeratuko du, alegia Batzordeko Presidentea.

    Federazioen bat-egitea 2019an eta 2020an gauzatuko da, prozesu zorrotza jarraituz. Hasiera eginda dago, Artezte Kontseiluaren erabakiarekin. Geroago, Federazioaren Ohiko Batzar Nagusian ere, bozkatuko da. Aurten, Batzar hau maiatzaren bigarren hamabostaldian egingo da.

    Federazioaren Artezte Kontseiluaren osaketa 19 kontseilariarena izango da, sektore kooperatibo guztien ordezkapenarekin, hurrengo banaketa jarraituz:

    • 10 kontseilari, Lan-elkarteko kooperatibak.
    •   3 kontseilari, Nekazari-elikagaien kooperatibak.
    •   3 kontseilari, Irakaskuntza kooperatibak.
    •      Kontseilari 1, Kontsumo kooperatibak.
    •      Kontseilari 1, Kreditu kooperatibak.
    •      Kontseilari 1, Garraionarien Kooperatibak.

    Erakunde berriaren zuzendaritza, orain Euskadiko Lan Elkarteen, Irakaskuntza eta Kreditu Kooperatiben Federazioaren zuzendaria den Agustin Mendiolaren eskuetan egongo da, 2020 urtearen Ohiko Batzar Nagusia arte. Data horretatik aurrera, Federazioan idazkari teknikoa den Iñaki Nublaren esku egongo da.

    Une honetatik aurrera, Federazioa, kooperatiba guztien esanetara jartzen da, informazio hau handitzeko eta kooperatibek nahi dituzten ekarpenak jasotzeko.

  • Federazioak Arabako Caritasekin bildu da.

    Gaur goizean, Vitoria-Gasteizeko Zaramaga auzoan Caritasek duen bulegoan batzartu dira.

    Caritasen aldetik egon dira: Maite Sebal, zuzendaria; Jose Ramon Ibeas, idazkari Nagusia; Carmen Lendinez, lan-teknikaria eta lan-taldeko beste pertsonekin ere.

    Federazioaren aldetik Iñaki Nubla eta Maite Corres egon dira.

    Bileraren helburua elkarrekin lan egitea izan da. Alegia, alde batetik Caritasek badauka Enplegu Agentzia bat, langileak aukeratzeko eta enpresei eskeintzeko. Langile hoiek formakuntza eta gaitasuna lortzeko Caritasen egin dute.

    Beste aldetik, kooperatibek, gero eta zailagoa dute langileak kontratatzea, bai garaietarako edo noizean behingo kanpainetarako edo epe luzerako. Era berean, kooperatibetako bazkide askok arazo bera dute.

    Izandako hitzalditik, Caritasen “Lan Bila izeneko Enplegu Agentzia”k erantzuna emateko prest dagoela kooperatibek eta kooperatibistek duten beharrei, bai Araban edo Caritasek dituen delegazioetan, Bizkaian eta Gipuzkoan.

    Zure kooperatibak edo kooperatibaren bazkideren batek langilearen beharra izanezgero, jarri harremanetan Lan-teknikaria den Carmen Lendinezekin, 945 22 03 04 telefonoan.

    Era berean, langilegoaren formakuntza aldez aurrekoa edo berezia behar izatekotan, Caritasek ere horretaz arduratzen da.

  • Gazte Kooperatibisten I Biltzarra

    CAE – Españako Nekazari-Elikagaien Kooperatibek, hurrengo martzoaren 21 eta 22an, osteguna eta ostirala, Valencian, Gazte Kooperatibisten I Biltzarra antolatuko du. Honekin batera, Europako Kooperatiben Erakundea den COGECAk, ere, bere Gazte Bilera egingo du.

    Ekitaldiaren egitasmoan, hitzaldiak, mahai-inguruak, kooperatiben-bisitaldiak eta jolas-jarduerak aurreikusten dira. Denak, gazte eta kooperatibo ikuspuntu batetik.

    Hori dela eta, Kooperatiben Federazioei eta kooperatibei eskatzen digute:

    1. gazte kooperatibistak bidaltzea, ekitaldian parte hartzeko, eta
    2. bere esperientzia, kooperatiban, kontatu nahi duen gazteren bat bidaltzea.

    200 bat gazte kooperatibista baino gehiago espero da, bai Europatik, bai Espainatik, bai Euskaditik.

    Beraz, zure kooperatiban gazteren batek parte hartu nahi izanez gero, mesedez, jakinarazi ahalik eta lasterren, bidaia, egonaldia, eta abar antolatzeko. Federazioak ordainduko ditu gaztuak.

    Dagoeneko, 6 gazte inskribituta badaukagu!!!

    20190123 Congreso Jóvenes-Borrador Programa Completo

  • Federazioak, Garapen jasangarriaren aldeko Arabako 2030 ituneko lehen elkarrizketan parte hartzen du.

    Atzo, astelehena, RPK kooperatibak eta Egibidek ireki zuten Garapen jasangarriaren aldeko Arabako 2030 ituneko lehen elkarrizketa, Arabako Foru Aldundiak antolatuta.

    Jardunaldira, Federazioarekin batera zenbait erakunde joan ziren, esate baterako, UNICEF, Cáritas, Cruz Roja, A&B Laboratorios, Deustuko Unibertsitatea, Arabako zenbait udaletxe eta Unesco Etxea, besteaz beste.

  • Kripango Kooperatibak bere patroia ospatu zuen

    Atzo, astelehena, Kripango Kooperatibak bere patroia den San Tirso ospatu zuen, urtero egiten den moduan, eguraldi traketsaren gainetik.

    Ekitaldira, Arabako Foru Aldundian, nekazaritza arloan ardura duen Eduardo Aguinaco joan zen,  herriarekin harremanik duten beste pertsonekin.

    Eguneko egitaraua, bazkideek, bazkide-ohiek eta familikoek parte hartzen Meza Santu batekin hasi zen. Meza bukatutakoan, bertatutakoek San Tirsoren erlikia musukatu zuten. Geroago, eguraldi kaskarra zela eta, Patroia ezin zen atera prozesioan. Hala ere, euri parrastatsua eta hotza ahkaztuz,  musika-bandak eliztarrak kooperatibaren egoitzara lagundu zituen. Bertan, bazkari  oparoa egin zen.

  • ENBAk, bere Ohiko Batzar Nagusia egin zuen.

    Atzo, igandea, Urnietan, ENBA sindikatuak eta honi atxikita dagoen ENARO kooperatibak, bere Ohiko Batzar Nagusia egin zuten. Ekintzara jende asko joan zen, bai afilituen aldetik, bai erakundeen aldetik.

    Instituzioen partetik, agertu ziren, beste batzuen artean:

    • Mikel Pagola, Urnietako alkatea.
    • Ainhoa Aizpuru, Xabier Arruti eta Arantxa Ariztimuño, Gipuzkoako Foru Aldundiko nekazaritzan arduradunak, eta
    • Luis Javier Tellería, eusko legebiltzarkidea.

    Batzarrean, presidentea den Iñaki Goenagak eta zuzendaria den Xabier Iraolak, informazio zabala eman zuten ekitaldiaren eboluzioari eta nekazarien ekonomia makromagnitudei buruz, bai EAEn, bai Gipuzkoan.

    Baserrian zerikusia dituzten ekonomi-aldeaz hitz egiteaz gain, kezka egiten dituzten beste alde batzuk ere ikusi ziren, hala nola  basurdeen ugaritasuna; ingurumenean eta landagunean, kaleko eragina gero eta handiagoa dela; herri txikietako Interneten irisgarritasuna; purinen urmaelak, eta abar.

    Honekin batera, kooperatibaren eta sindikatuaren diruzainek urteko kontuak eman zituzten. Hain zuzen ere, agertutakoek, bai sindikatuko, bai kooperatibako kudeatzaileak zoriondu zituzten, joan den urtea egindako ekitaldi ekonomikoa bikainagatik.

    Batzarra bukatutakoan, ohitura denez, bertsolari batzuk parte hartu zuten. Geroago, Urnietako Eula Sagardotegian anai-arteko bazkaria ospatu zen, bertsolariek ere parte harturik.

  • Federazioak parte hartzen du nekazari uztiakuntzen Lan Arriskuen Prebentziorako jardunaldi batean, Aragoiko Lan eta Segurtasun Institutuak antolaturik.

    Atzo, osteguna, Zaragozako Iberciden, lan arriskuen prebentzioaren bidez nekazari uztiakuntzen hobekuntzarako jardunaldia ospatu zen.

    Jardunaldian, erakundeen ordezkapen aditu bat hartu zuen parte. Honekin batera, nekazari eta abeltzain gazte ugari ere egon ziren, gaiaz interesaturik. Euskaditik, Federazioan gai honetaz adituak diren Sergio Achicallende eta Maite Corres joan ziren.

    Landutako gaien artean, nabarmendu, kimiko biltegiratze segurantza, suteak ekiditzeko berritasunak eta lan-ekipamenduak. Honekin batera, azpimarratu, bereziki, traktoreak eta kuads segurtasun diseinua eta segurtasuna.

  • Mungiako San Isidro Kooperatibaren Artezte Kontseiluak Karrantzako Kooperatiba bisitatu zuen.

    Joan den asteazkenean, Mungiako San Isidro kooperatibaren artezte kontseiluaren ordezkariek Karrantzako GUVAC kooperatiba bisitatu zuten.

    Bisitaren helburua, Karrantzako kooperatibaren negozioak ikustea, bereziki, pertsonen elikagaiena, etorkizunean elkarrekin lan egiteko. Hain zuzen ere, GUVAC kooperatibak frakitziatuta dago EROSKI kontsumitzaileen kooperatibarekin elikagaien hornidurako.

    Honetaz gain, elkarlaneko beste mota batzuk ere ikusi ziren, esate baterako,  lehengaiak, pentsuak edo zerbitzuak hornitzeko.

    Mungiako kooperatiben aldetik bere artezte kontseilua eta kudeaketa langileak joan ziren. Beste aldetik, GUVAC kooperatibaren aldetik, bere zuzendaria den Jose Palacio eta dendako ardura duen langilegoa ere egon ziren.

  • Kooperatibetan sua itzalketarako ikastaroa bukaturik.

    Joan den ostiralean, hamabi bat kooperatibistek suteen prebentzio eta itzalketarako ikastaro batean parte hartu zuten.

    Ikastaroa, Federazioak antolaturik, Ordiziako  SUESKOLA egoitzan egin zen, Federazioaren Enpresa arteko Lan Arriskuen Prebentziorako Zerbitzuaren kooperatiba batzuek eskaturik.

    Ikastaroaren helburua, suaren hitzalketa eta emergentzi eta ebakuazio planen ezagutzaren bitartez, suteen inguruko prebentzio kultura eskuratzea.

    Formakuntza teorikoa eta praktikoa izan zen, oso irakasle onekin eta os egoitz prestaturik kontatuz.

  • Mugimendu kooperatiboak Urkullu Lehendakariaren Gabonetako ohiko harrera-ekitaldian parte hartzen du

    Iñigo Urkullu lehendakaria, Gabonetako ohiko harrera-ekitaldiko buru izan zen. Bertan, euskal gizarteko ordezkaritza zabala bildu zen, horien artean, mugimendu kooperatiboaren ordezkapen zabal batekin eta euskal erakundeetako arduradunak eta alderdi politikoetako ordezkariak, enpresa eta sindikatu-elkarteetako ordezkariak, eragile ekonomikoak eta sozialak, eta kulturako, unibertsitateko, kiroleko eta hedabideetako ordezkari ugari, beste hainbaten artean.

    Bere hitzaldian, Lehendakariak urteko gertaera garrantzitsuak gogoratu zituen eta etorkizun hurbileko konpromisoak azpimarratu zituen: gazteria, berdintasuna, nortasuna, berrikuntza eta elkartasuna. 

    Lehendakariaren hitzetan, bost kontzeptu horiek auzolanaren ikuspegitik elkarrekin landu behar dira, datozen belaunaldiei etorkizun hobea utzi ahal izateko.

    Horren haritik, aipatutako konpromisoei erantzuteko, Gobernu Kontseiluak 2019rako Aurrekontu Proiektuan konprometitutako hainbat neurri onartuko dituela iragarri du.

    Gobernu Kontseiluak onartuko dituen neurrien artean honako hauek daude: inbertsioa eta berrikuntza babestea; industria-zona kaltetuenak sustatzea; hainbat esparrutan inbertsio-planak bultzatzea, adibidez, hezkuntzan, osasunean eta ingurumenean; eta langile publikoekin konpromisoa edo gazteen emantzipazioa sustatzea, besteak beste. “Giza garapeneko eta hazkuntza iraunkorreko ereduarekin jarraituko dugula” ziurtatu du Urkullu lehendakariak.